मंगलबार, भाद्र २३ २०८३ | Tuesday 8th September 2026 
जन आकाश
काठमाडौं । सर्वोच्च अदालतले ललिता निवास जग्गा प्रकरणमा पूर्वप्रधानमन्त्री बाबुराम भट्टराई र माधवकुमार नेपालमाथि मुद्दा चलाउन माग गरिएको रिटमा दुवैसँग लिखित जवाफ माग गरेको छ।
प्रधानन्यायाधीश मनोजकुमार शर्मा तथा न्यायाधीशहरू विनोद शर्मा र सुनिलकुमार पोखरेलको पूर्ण इजलासले बिहीबार विपक्षी दुवैलाई सूचना म्याद पाएको १५ दिनभित्र लिखित जवाफ पेस गर्न आदेश दिएको हो।
वरिष्ठ अधिवक्ता बालकृष्ण न्यौपानेले भट्टराई र नेपालमाथि समेत मुद्दा चलाउन माग गर्दै २०८१ फागुन ८ गते रिट दायर गरेका थिए। रिटमा दुई पूर्वप्रधानमन्त्रीसहित काठमाडौं जिल्ला अदालत, सरकारी वकिलको कार्यालय, पूर्वमुख्य सचिव लिलामणि पौडेल, अख्तियार दुरुपयोग अनुसन्धान आयोग, महान्यायाधिवक्ताको कार्यालय र केन्द्रीय अनुसन्धान ब्युरो (सीआईबी)लाई विपक्षी बनाइएको थियो।
रिटमाथि साउन २१ गते सुनुवाइ हुँदा हेर्दाहेर्दैमा राखिएको थियो। बिहीबारको इजलासले दुवै पूर्वप्रधानमन्त्रीसँग लिखित जवाफ माग्ने आदेश गरेको हो।
© 2026 All right reserved to janaaakash.com | Site By : SobizTrend
