मंगलबार, भाद्र २३ २०८३ | Tuesday 8th September 2026 
जन आकाश
काठमाडौं । भोटेकोसी नदीमा आएको बाढीमा रसुवाबाट मात्रै २ हजार ८६० जना सम्पर्कविहीन भएको पाइएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीपछि हालसम्म देशभर ५ हजार ३२६ जनासम्पर्कविहीन छन्।
रसुवाबाट सम्पर्कविहीन भएकामध्ये १ हजार ३९३ जना स्थानीय बासिन्दा रहेका छन्। त्यस्तै, अन्य जिल्लाका १ हजार २८६ जना पनि रसुवाबाट सम्पर्कविहीन भएका छन्।
यसैगरी रसुवामा कार्यरत ७३ जना सरकारी कर्मचारी, नेपाली सेनाका ४५, नेपाल प्रहरीका २५, सशस्त्र प्रहरीका १२ तथा बैंक तथा वित्तीय संस्थाका २६ जना कर्मचारी सम्पर्कविहीन रहेको प्राधिकरणले जनाएको छ।
प्राधिकरणका अनुसार नुवाकोटबाट मात्रै १ हजार ९८१ जना सम्पर्कविहीन भएका छन्। त्यस्तै, बाढीमा परेर ५८७ जना विदेशी पर्यटकसमेत सम्पर्कविहीन रहेको विवरण सार्वजनिक गरिएको छ।
सम्पर्कविहीन तथा हराइरहेका व्यक्तिहरूको खोजी तथा उद्धार कार्य जारी रहेको छ। नेपाली तथा विदेशी उद्धार टोली खोज तथा उद्धारमा परिचालित छन्।
प्राधिकरणका अनुसार हालसम्म १ हजार ३५७ जनाको शव फेला परेको छ। तीमध्ये १०२ जनाको शव परिवारलाई बुझाइएको छ भने बाँकी शवको पहिचान हुन बाँकी रहेको छ।
भोटेकोसी बाढीपछि सम्पर्कविहीनको संख्या ठूलो रहेकाले खोजी तथा उद्धार कार्यलाई थप तीव्र बनाउनुपर्ने देखिएको छ।
© 2026 All right reserved to janaaakash.com | Site By : SobizTrend
