ग्लोबल आइएमई बैंकले सेयरधनीलाई १० प्रतिशत लाभांश दिने प्रस्ताव पारित::Nepal News Portal

ग्लोबल आइएमई बैंकले सेयरधनीलाई १० प्रतिशत लाभांश दिने प्रस्ताव पारित

जन आकाश
आइतबार, असोज १८ २०८३

काठमाडौं । ग्लोबल आइएमई बैंकको २०औँ वार्षिक साधारण सभा शुक्रबार सम्पन्न भएको छ। सभाले आर्थिक वर्ष २०८२/८३ को मुनाफाबाट सेयरधनीलाई चुक्तापुँजीको कुल १० प्रतिशत लाभांश वितरण गर्ने प्रस्ताव सर्वसम्मत पारित गरेको छ।

पारित लाभांशमध्ये ४ प्रतिशत बोनस सेयर र कर प्रयोजनसहित ६ प्रतिशत नगद लाभांश रहेको छ।

सभाले बैंकका अध्यक्ष चन्द्रप्रसाद ढकालले सञ्चालक समितिका तर्फबाट प्रस्तुत गरेको वार्षिक प्रतिवेदन तथा एकीकृत वित्तीय विवरण पनि पारित गरेको छ।

समीक्षा अवधिमा बैंकले ६ अर्ब ४ करोड रुपैयाँ खुद नाफा आर्जन गरेको छ। यो अघिल्लो आर्थिक वर्षको तुलनामा १५.९० प्रतिशतले बढी हो। बैंकको सञ्चालन मुनाफा भने ९ अर्ब ६० करोड रुपैयाँ रहेको छ।

बोनस सेयर वितरणपछि बैंकको चुक्तापुँजी ३९ अर्ब ६८ करोड ६० लाख रुपैयाँ पुगेको छ।

सभालाई सम्बोधन गर्दै अध्यक्ष ढकालले बैंकप्रति सेयरधनीहरूले देखाएको विश्वास र निरन्तर साथप्रति आभार व्यक्त गरे।

सभाले बैंकको प्रबन्धपत्र तथा नियमावली आवश्यकताअनुसार संशोधन गर्न सञ्चालक समितिलाई अधिकार दिने र आगामी आर्थिक वर्षका लागि लेखापरीक्षक नियुक्त गर्ने प्रस्तावसमेत पारित गरेको छ।

फेसबुक प्रतिक्रिया

लिंकहरु

ग्लोबल आइएमई बैंकले सेयरधनीलाई १० प्रतिशत लाभांश दिने प्रस्ताव पारित

नबिन योगी दैलेखका उदाउँदो युवा नेता जनताका बिचमा लोकप्रिय आउँदो स्थानीय तहको निर्वाचनमा दुल्लु नगरको…

गोकुलगंगा–१ चुचुरेमा ट्र्याक्टर दुर्घटना, एक जनाको मृत्यु

मोडेल तथा गायिका रमिता भण्डारीको नयाँ म्युजिक भिडियो ‘तिमी निष्ठुरी भयौ’ सार्वजनिक

रामेछाप रास्वपामय बन्दैः डा. कृष्णहरि जनतासँग नेपाली काँगे्रस, एमाले, नेपाल कम्युनिष्ट पार्टी पछिपछि

च्याउ टिप्न गएका ढालबहादुर कार्की भालुको आक्रमणबाट गम्भीर घाइते

सायरी गोर्खाबाट रबि,बिक पाखा पखेरा संगको गहिरो सम्बन्ध

आचार्यकृत ‘’ऐतिहासिक नुवाकोट (भाग–१)’’सार्वजनिक

गजल समीक्षा तेज प्रकाश बानियाको कलमबाट

नम्रता गुरागाईँकृत निबन्धसङ्ग्रह ‘भूगोलका सपनाहरू’ लोकार्पण

जन आकाश मिडियाका सस्थापक आजिवन सदस्यको अध्यक्षता कार्यक्रम सप्पन्न

लिंकहरु