मंगलबार, कार्तिक ११ २०८३ | Tuesday 27th October 2026 
जन आकाश
काठमाडौं । काठमाडौं जिल्लाका विभिन्न स्थानबाट प्रहरीले ८७ जनालाई पक्राउ गरेको छ। प्रहरीले स्वीप अपरेसन सञ्चालन गर्नुका साथै फरार रहेका व्यक्तिहरूको खोजी गर्ने क्रममा उनीहरूलाई नियन्त्रणमा लिएको हो।
जिल्ला प्रहरी परिसर काठमाडौंका एसपी दानबहादुर थापाका अनुसार कात्तिक ९ गते बिहानदेखि कात्तिक १० गते बिहान ६ बजेसम्म सञ्चालन गरिएको स्वीप अपरेसनका क्रममा ७५ जना पक्राउ परेका छन्।
स्वीप अपरेसनका क्रममा पक्राउ परेकाहरूको आपराधिक पृष्ठभूमि तथा विवरण जाँच गरी आवश्यक अनुसन्धानपछि मुद्दा चलाउने वा रिहा गर्ने भन्ने निर्णय गरिने प्रहरीले जनाएको छ।
त्यस्तै, अदालतबाट कैद तथा जरिवानाको फैसला भएका ८ जना र अदालतबाट पक्राउ अनुमति जारी भई अनुसन्धानको क्रममा रहेका ४ जनालाई पनि पक्राउ गरिएको एसपी थापाले जानकारी दिए।
प्रहरीले विभिन्न स्थानमा सुरक्षा निगरानी बढाउँदै फरार प्रतिवादीको खोजी तथा आपराधिक गतिविधि नियन्त्रणका लागि यस्ता अभियान सञ्चालन गर्दै आएको छ।
© 2026 All right reserved to janaaakash.com | Site By : SobizTrend
