शुक्रबार, कार्तिक २१ २०८३ | Friday 6th November 2026 
जन आकाश
काठमाडौं । भारतीय विदेश सचिव विक्रम मिस्रीले नेपाली कांग्रेसका सभापति गगनकुमार थापासँग भेटवार्ता गरेका छन् । प्रधानमन्त्री बालेन्द्र शाहको भारत भ्रमणको तयारीका क्रममा नेपाल आएका मिस्रीले कात्तिक १९ गते बिहीबार थापासँग भेटवार्ता गरेका हुन् ।
बत्तिसपुतलीस्थित द्वारिका होटलमा बिहीबार दिउँसो भएको भेटवार्तामा दुई पक्षबीच समसामयिक राजनीतिक विषय तथा नेपाल–भारत सम्बन्धका विषयमा छलफल भएको बताइएको छ ।
नेपाली कांग्रेसको १५औँ महाधिवेशनबाट सभापति निर्वाचित भएपछि थापाले भारतीय उच्च पदस्थ अधिकारीसँग गरेको यो पहिलो द्विपक्षीय भेटवार्ता हो ।
कांग्रेस सभापति थापासँग भेट गर्नुअघि भारतीय विदेश सचिव मिस्रीले प्रधानमन्त्री बालेन्द्र शाहसँग सिंहदरबारमा भेटवार्ता गरेका थिए ।
त्यसैगरी, उनले राष्ट्रिय स्वतन्त्र पार्टीका सभापति रवि लामिछानेसँग पनि भेट गरेका थिए । प्रधानमन्त्री शाहको भारत भ्रमणको तयारी तथा दुई देशबीचको सम्बन्धलाई थप सुदृढ बनाउने विषयमा विभिन्न राजनीतिक दलका नेताहरूसँग भेटवार्ता गरेका मिस्री बिहीबार नै स्वदेश फर्किएका छन् ।
© 2026 All right reserved to janaaakash.com | Site By : SobizTrend
