मंगलबार, कार्तिक ११ २०८३ | Tuesday 27th October 2026 
जन आकाश
धादिङ । आजवाट धादिङ जिल्लामा २०७९ सालमा निर्वाचित भएका नेपाली कांग्रेसका जन प्रतिनिधिहलाई प्रशिक्षण दिदै छ । धादिङको टुमलिङटारस्थित सिद्धार्थ होटलमा आज विहानैवाट प्रशिक्षण दिन थालियको छ ।
कांग्रेसले आफ्ना नगरपालिकाका प्रमुख, उपप्रमुख र गाउँपालिकाका अध्यक्ष उपाध्यक्षका लागि लागि स्थानीय सरकार संचालन र स्थानीय स्तरमा योजना तर्जुमा तथा नीतिनिर्माण सम्बन्धि कार्यशाला गोष्ठी संचालन गरी प्रशिक्षण दिएको हो ।
उक्त कार्यशाला गोष्ठीमा स्थानीय तह निर्वाचन २०७९ मा नेपाली कांग्रेसका तर्फबाट निर्वाचित भएका प्रमुख, उपप्रमुख र अध्यक्ष, उपाध्यक्ष गरि १२ जना जनप्रतिनिधिहरूलाई सहभागी हुने नेपाली काँग्रेस धादिङका सहसचिव नवराज तिमल्सेनाको भनाई आएको छ ।
उक्त कार्यशालामा सहजीकरणको लागि नेपाली कांग्रेस केन्द्रिय सदस्य तथा राष्ट्रिय योजना आयोगको पूर्व उपाध्यक्ष प्रा.डा. गोबिन्दराज पोखरेल, केन्द्रिय सदस्य दिलमान पाख्रीन, बागमती प्रदेश योजना आयोगको सदस्य राजु नेपाल र नेपाल सरकारका पूर्व सचिव शारदाप्रसाद त्रिताल आउने भएका छन् ।
प्रमुख, उपप्रमुख र अध्यक्ष, उपाध्यक्षको प्रशिक्षण पछि धादिङ कांग्रेसले वडा अध्यक्ष र कार्यपालिका सदस्यको लागि पनि यस्तै कार्यक्रम संचालन गर्ने जनाएको छ ।
© 2026 All right reserved to janaaakash.com | Site By : SobizTrend
