एमालेले उदयपुर सिमेन्ट उद्योगलाई निजीकरण हुन नदिने

छलफलमा उद्योगलाई कसरी बचाउने र आगामी दिनमा निजिकरण हुनबाट कसरी जोगाउने भन्ने विषयमा गम्भिर छलफल भएको एमाले उदयपुरका अध्यक्ष भागवत राउतले जानकारी दिए ।
सिमेन्ट उद्योग आर्थिक रुपमा जर्जर अवस्थामा पुगेको र उदयपुर सिमेन्ट उद्योगकाले करिव २ अर्ब तिर्नु पर्ने दायित्व बोकेर हिडिरहेको जानकारी दिंदै उद्योगका निमित्त महाप्रबन्धक महेश प्रसाद साहले उद्योग निजिकरण हुनबाट जोगाउनु पर्ने साथै सामान्य खर्च पनि गर्न नसक्ने अवस्थाबाट उद्योग चलिरहेको तर्फ सबैले चिन्ता लिएर उद्योगलाई बचाउन जरुरी रहेको बताए ।

निमित्त महाप्रबन्धक साहका अनुसार २०८१ साउन ६ गतेसम्मको तिर्नु पर्ने बाँकी दायित्वमा कर्मचारीहरुको तलव र नागरिक लगानी कोषको १२ करोड ७१ लाख, अवकास प्राप्त कर्मचारीहरुको ३२ करोड ४७ लाख, कर दायित्व १६ लाख, बैंक ऋण २ करोड, विद्युत प्राधिकरण डेडिकेटेड लाइन ३३ करोड ६४ लाख र कोइला तथा अन्य सामान सप्लायर्स दायित्व ६१ करोड ३१ लख रहेको छ ।

उद्योगका केमिष्ट तथा वरिष्ठ अधिकृत (सहायक नायव महाप्रबन्धक) कोविद काफ्लेका अनुसार अन्य दायित्वका कुरा छाडेर तत्काल उद्योग संचालनकालागि ५५ करोड रुपैया आवश्यक भएको र सरकारले यो उद्योग संचालन गर्न निजीकरणको बाटोमा नगई लिजमा दिएर संचालनको बाटो रोज्नु उपयुक्त हुने छलफलमा जानकारी गराएका थिए ।

छलफलमा बसेको एमालेको तर्फबाट एमालेकी पोलिटव्युरो सदस्य तथा संविधानसभा सदस्य मञ्जु कुमारी चौधरीले उद्योग उदयपुरको गौरव र गहनाको रुपमा रहेकोले यसलाई निजिकरण हुनबाट बचाएर संचालन गर्न कसरी सहज हुन्छ मन्त्री स्तरमा, मन्त्रीपरिषद्मा छलफल गरेर अघि बढ्नु पर्ने र कर्मचारी तथा मजदुरहरुले पनि यो मेरो उद्योगको मात्र नभएर जीविकोपार्जन गरिरहेको रोजगारदाता भएकोले मैले इमान्दार भएर काम गरेमा यसको उन्नति प्रगति हुन्छ र मेरो भविष्य पनि यसले बनाउँछ भन्ने सोच राखेर काम गर्नु पर्ने धारणा राखिन् ।

नेकपा एमाले केन्द्रीय सदस्य अम्बिका थापाले उद्योगको समग्र वर्तमान अवस्था अध्ययन गरेर सुधारकालागि आवश्यक पहल र छलफल गर्दा राम्रो हुने र उद्योग स्थानीय जनताको हितमा सचालन हुनु पर्ने बताइन ।

एमाले कोशी प्रदेश कमिटीका सदस्य तथा उदयपुर निर्वाचान क्षेत्र नं २ का प्रतिनिधिसभा सदस्य अम्बर बहादुर रायमाझीले उद्योगलाई निजिकरणबाट जोगाएर संचालन गर्न सकिने उपायका बारेमा उद्योगमन्त्री, प्रधानमन्त्री तथा अर्थमन्त्रीसँग छलफल गरेर अघि बढ्नु पर्ने धारणा राखेका थिए ।

सोमबारको छलफलमा यस अघि पनि उद्योगमन्त्रीसँग छलफल भएको तर उद्योगमन्त्री सकारात्मक नभएको हुँदा उद्योगको अवस्था झन कमजोर भएकोले पुःन एक पटक उद्योग बचाउनकालागि अनुरोध गर्ने र केही नलागेमा निजिकरण नगरी लिजमा दिएर संचालनको मोडालिटी बनाउने कुरामा सहभागी सबै सहमत भएका छन् ।

रत्ना रिर्सोटमा भएको सोमबारको छलफलमा उद्योगका तर्फबाट निमित्त महाप्रबन्धक महेश प्रसाद साह, सहायक नायव महाप्रबन्धक कोविद् काफ्ले, वरिष्ठ इन्जिनियर हरि अधिकारी, गंभिरजंग खत्री लगायतका सहभागी भएका थिए भने नेकपा एमालेका तर्फबाट पोलिटव्युरो सदस्य मञ्जु चौधरी, केन्द्रीय सदस्य अम्बिका थापा, कोशी प्रदेश कमिटी सचिवालय सदस्य इश्वरमणी राउत, उदयपुर २ का प्रतिनिधिसभा सदस्य अम्बर बहादुर रायमाझी, कोशी प्रदेश सभा सदस्य गीता रेग्मी, उदयपुर जिल्ला कमिटी अध्यक्ष भागवत राउत, सचिव टेक बहादुर राउत, उपसचिव द्वय गंगा राई र हेम खड्का लगायत सहभागी रहेका थिए ।

स्मरयाणीय रहोसः नेपालमा राष्टिय उद्योगहरु सधै घाटामा पु¥याउने काम कसले गर्छ ? वेला वेलामा उद्योगमा ताला लगाउने, आन्दोलन गर्ने राजनीति पार्टीका कार्यकर्ता बनेर उद्योग छिरेकाहरुले उत्पादन रोक्ने र समयमा उत्पादन नगरेपछि बजारमा बिक्री हुने सिजनमा उत्पादन नगरेपछि उद्योग घाटामा नगएर केमा जान्छ त ! सोही अवस्थामा सिमेन्ट उद्योगहरु सवै नाफामा हुदा सरकारी स्वामित्वको घाटामा कसरी गयो ।

यस्तै गराउन २००४ सालमा भारतमा खोलिएको नेपाली काँग्रेस, २००६ सालमा भारतमा नै खोलिएको नेपाल कम्युनिषट नामको पार्टीको जन्मसँगै नेपाललाई आजको अवस्थामा पु¥याउने मुख्य काम यिनै पार्टीहरुले गरेका हुन् । किनकी यिनिहरुले सरकार सञ्चालन गरेको वेला यिनिहरुकै कुरा मान्ने निर्देशकहरु उद्योगमा पठाउने र इमानदार कामदार भन्दा अन्य काम नगर्नेहरुलाई बढी पैशा दिनुपर्ने त्यस्ता पार्टीका कार्यकर्तालाई काम गर्न अहरायो भने उद्योगमा ताला लगाउने, आन्दोलन गर्ने सिजनको वेला जहिले पनि आन्दोलन गर्ने, गराउने काम हुने गरेका कारण हेटौडा उद्योगको यो अवस्था आएको हो । अहिले एमाले भन्ने पार्टीले कार्यक्रम गरेर उद्योग चिन्ता गरे जस्तो गरिटोपलेर केही हुदैन । गल्ति यहि पार्टीले विगतदेखि गर्दै आएको छ । यस घटनावाट आउदा दिनमा एमाले, काँग्रेस अन्य कुनैपनि पार्टीले उद्योगहरुमा संगठन खोल्न पाउने तर ताला लगाउन र आन्दोलन गर्न नपाउने व्यवस्था लागु गर्नुपर्छ ।