शुरु भयो छठको रौनक, काठमाडौका पोखरी र नदी किनारमा बर्तालुको घुइचो

जन आकाश
बिहिबार, कार्तिक २२ २०८१

काठकाडाै । छठ पर्वको मुख्य दिन बिहीबार साँझ ब्रतालुले अस्ताउँदो सूर्यको पूजा आराधना गरी अर्घ दिएका छन् । बिहीबार काठमाडौंका छठघाटहरुमा पुगेका ब्रतालुले छठको पूजा गरी सूर्यको उपासना गरेका छन् । बिहीबार सूर्यास्तअघि नै ब्रतालुहरु काठमाडौंको कमलपोखरी, गौरीघाट लगायतका छठघाटमा पुगेर आआफ्नो छठघाट सजाइसकेका थिए । त्यसपछि अस्ताउँदो सूर्यलाई अर्घ दिएका छन् । आज रातभर नदी किनारमा जाग्राम बसेर भोलि बिहान उदाउँदो सूर्यलाई अर्घ दिन्छन् ।

गुजेश्वरीस्तिथ बागमती किनारमा छठ विकास समितिले व्यवस्थित ढंगवाट पूजाको व्यवस्था गरेको छ । उक्त स्थानमा सवैभन्दा बढी ब्रतालुहरु रहेका देखिन्छन् । उक्त स्थानमालाई सुरक्षित राख्न नेपाल प्रहरीहरु पनि खटिएका छन् ।