बिहिबार, भाद्र २५ २०८३ | Thursday 10th September 2026 
जन आकाश
काठमाडौं । संविधान दिवस तथा राष्ट्रिय दिवस २०८२ को अवसरमा राजधानीको टुँडिखेलस्थित सैनिक मञ्चमा विशेष कार्यक्रमको आयोजना गरिएको छ।
राष्ट्रका सर्वोच्च संवैधानिक पदाधिकारीहरूको उपस्थिति रहेको यस कार्यक्रममा नेपालको लोकतान्त्रिक इतिहास, राष्ट्रिय एकता र संविधानको सम्मान प्रकट गरिएको छ।
कार्यक्रमका प्रमुख अतिथि राष्ट्रपति रामचन्द्र पौडेल रहनुभएको थियो। उहाँसँगै अन्तरिम सरकारकी प्रधानमन्त्री सुशीला कार्की, प्रतिनिधि सभाका सभामुख, राष्ट्रिय सभाका अध्यक्ष, प्रधानन्यायाधीश, मन्त्रीहरू, संवैधानिक निकायका प्रमुखहरू, सुरक्षा निकायका उच्च पदाधिकारीहरू तथा अन्य विशिष्ट व्यक्तित्वहरूको समेत उपस्थिति रहेको थियो।
यस विशेष अवसरमा नेपाली सेनाले राष्ट्रको समर्पण, अनुशासन र सिपको प्रदर्शन गर्दै विविध आकर्षक गतिविधिहरू प्रस्तुत गरे।
सेनाले गरेका परेड, सांस्कृतिक प्रस्तुतिहरू, शारीरिक तालिम प्रदर्शन, युद्धकला, र हेलिकप्टरमार्फत देखाइएको विशेष कौशलले उपस्थित दर्शकहरूको ध्यान आकर्षित गरेको थियो। कार्यक्रमले राष्ट्रिय गौरव, सुरक्षाबलप्रतिको विश्वास र संविधानप्रतिको सम्मान झल्काएको थियो।
संविधान दिवस प्रत्येक वर्ष असोज ३ गते मनाइने गरिन्छ, जसले नेपालको संविधान कार्यान्वयनमा आएको ऐतिहासिक दिनलाई स्मरण गराउने गर्दछ। यस वर्षको समारोह पनि भव्य र अनुशासित रूपमा सम्पन्न भएको छ, जसले नागरिकमा संविधानप्रतिको चेतना र राष्ट्रिय एकताको भावना थप सुदृढ बनाउने अपेक्षा गरिएको छ।
© 2026 All right reserved to janaaakash.com | Site By : SobizTrend
