शुक्रबार, साउन ८ २०८३ | Friday 24th July 2026 
जन आकाश
काठमाडौं । हिमालयन एभरेष्ट इन्स्योरेन्स लिमिटेडले आर्थिक वर्ष २०८२र८३ को व्यवसायिक यात्रामा अर्को महत्वपूर्ण कोशेढुंगा पार गर्दै रु. ५ अर्ब प्रिमियम आर्जन गर्न सफल भएको छ।
यो उपलब्धिले कम्पनीको दिगो व्यवसायिक वृद्धि, सुशासनप्रतिको प्रतिबद्धता, ग्राहक विश्वास तथा सम्पूर्ण सरोकारवालाहरुसँग स्थापित सुदृढ सम्बन्धलाई थप मजबुत बनाएको छ।
कम्पनीले यस ऐतिहासिक उपलब्धिलाई आफ्ना आदरणीय ग्राहक, अभिकर्ता, पुनर्बीमक, व्यवसायिक साझेदार, बैंक तथा वित्तीय संस्था, नियामक निकाय, शेयरधनी, सञ्चालक समिति तथा सम्पूर्ण कर्मचारीहरूको निरन्तर विश्वास, सहयोग, समर्पण र साझा प्रयासको प्रतिफलका रूपमा लिएको छ।
यस अवसरमा कम्पनीकी प्रमुख कार्यकारी अधिकृत अञ्जु श्रेष्ठले रु ५ अर्बको व्यवसायिक लक्ष्य हासिल गर्नु हिमालयन एभरेष्ट इन्स्योरेन्स परिवारका सम्पूर्ण सदस्यहरूको सामूहिक प्रतिबद्धता, ग्राहकहरूको अटल विश्वास तथा हाम्रा व्यवसायिक साझेदारहरूको निरन्तर साथ र सहयोगको परिणाम रहेको र यस उपलब्धिले कम्पनीलाई अझ उत्तरदायी, नवप्रवर्तनमुखी तथा ग्राहककेन्द्रित बीमा सेवा प्रदान गर्दै दिगो व्यवसायिक वृद्धिको यात्रालाई थप सशक्त रूपमा अगाडि बढाउन प्रेरित गरेको विचार ब्यक्त गर्नु भयो।
© 2026 All right reserved to janaaakash.com | Site By : SobizTrend
