आगजनीबाट क्षतिग्रस्त भाटभटेनीको टंगाल स्टोर पुनः सञ्चालनमा::Nepal News Portal

आगजनीबाट क्षतिग्रस्त भाटभटेनीको टंगाल स्टोर पुनः सञ्चालनमा

जन आकाश
सोमबार, असोज ५ २०८३

काठमाडौं । जेनजी आन्दोलनका क्रममा भदौ २४ गते आगजनीबाट क्षतिग्रस्त भएको भाटभटेनी सुपर मार्केटको टंगाल स्टोर पुनः सञ्चालनमा आएको छ।

सोमबार बिहानदेखि स्टोर सञ्चालनमा आएको हो। औपचारिक रूपमा भने बिहान १० बजेदेखि ग्राहकका लागि खुला गरिएको कम्पनीले जनाएको छ। स्टोर पुनः सञ्चालनको अवसरमा भाटभटेनीका अध्यक्ष तथा प्रबन्ध निर्देशक मीनबहादुर गुरुङ पनि टंगाल पुगेका थिए।

आन्दोलनका क्रममा प्रदर्शनकारीले आगजनी गरेपछि स्टोरमा ठूलो भौतिक क्षति भएको थियो। पुनर्निर्माण सम्पन्न भएपछि स्टोरलाई पुनः सञ्चालनमा ल्याइएको हो।

कम्पनीका अनुसार आन्दोलनका क्रममा आगजनीबाट क्षतिग्रस्त भएका १२ स्टोरमध्ये टंगालसहित १० वटा स्टोर पुनः सञ्चालनमा आइसकेका छन्। दमक र हेटौंडास्थित स्टोरको पुनर्निर्माण पनि अन्तिम चरणमा पुगेको र ती स्टोरसमेत छिट्टै सञ्चालनमा ल्याउने तयारी भइरहेको कम्पनीले जनाएको छ।

अध्यक्ष तथा प्रबन्ध निर्देशक गुरुङले कठिन परिस्थितिका बीच पुनर्निर्माणमा सहयोग गर्ने ग्राहक, कर्मचारी, सहयोगी संस्था तथा शुभेच्छुकप्रति आभार व्यक्त गरेका छन्।

‘मनमा पीडा थियो, आँखामा आँसु थियो, आँखै अगाडिका स्टोरमा आगो बलिरहेका थिए। तर पनि हामीले राज्यप्रतिको दायित्व बिर्सिएनौँ,’ गुरुङले भनेका छन्, ‘हामी एउटा निष्कर्षमा पुग्यौँ– खरानीबाट फेरि उठ्नेछौँ।’

आन्दोलनका क्रममा ठूलो भौतिक क्षति भए पनि कम्पनीले आफ्ना १० हजारभन्दा बढी कर्मचारीको रोजगारीलाई निरन्तरता दिएको जनाएको छ। कठिन अवस्थामा समेत कर्मचारीलाई सेवाबाट अलग नगरेको र गत वर्षको दसैँ बोनससमेत कटौती नगरी रोजगारीलाई निरन्तरता दिएको गुरुङले बताएका छन्।

पुनर्निर्माणका क्रममा चौबीसै घण्टा खटिएका कर्मचारी तथा सहयोगीहरूप्रति पनि कम्पनीले धन्यवाद व्यक्त गरेको छ।

टंगाल स्टोर पुनः सञ्चालनमा आएसँगै ग्राहकलाई नियमित रूपमा आवश्यक वस्तु तथा सेवा उपलब्ध गराउने कम्पनीले जनाएको छ। साथै, आगामी दिनमा आधुनिक सुविधा, गुणस्तरीय सेवा र सहज किनमेलको वातावरण उपलब्ध गराउने प्रतिबद्धता पनि कम्पनीले दोहोर्‍याएको छ।

फेसबुक प्रतिक्रिया

लिंकहरु

आगजनीबाट क्षतिग्रस्त भाटभटेनीको टंगाल स्टोर पुनः सञ्चालनमा

नबिन योगी दैलेखका उदाउँदो युवा नेता जनताका बिचमा लोकप्रिय आउँदो स्थानीय तहको निर्वाचनमा दुल्लु नगरको…

गोकुलगंगा–१ चुचुरेमा ट्र्याक्टर दुर्घटना, एक जनाको मृत्यु

बालकलाकार आरिया शाही चौथो काव्य म्युजिक अवार्ड २०८२ बाट सम्मानित

मोडेल तथा गायिका रमिता भण्डारीको नयाँ म्युजिक भिडियो ‘तिमी निष्ठुरी भयौ’ सार्वजनिक

रामेछाप रास्वपामय बन्दैः डा. कृष्णहरि जनतासँग नेपाली काँगे्रस, एमाले, नेपाल कम्युनिष्ट पार्टी पछिपछि

सायरी गोर्खाबाट रबि,बिक पाखा पखेरा संगको गहिरो सम्बन्ध

डा. नवराज रिजालद्वारा लिखित गीतसङ्ग्रह “देखेकोछु तिमिलाई” सार्वजनिक

जनआकाशका आजिवन सदस्य कवि ढकालको अध्यक्षता कार्यक्रम सम्पन्न

दायित्व वाङ्मय प्रतिष्ठानद्वारा साहित्यकार प्रमोद नेपालको निरुत्तर लघुकथासङ्ग्रह लोकार्पण

रामप्रसाद अधिकारीको, सुसेली

लिंकहरु