राजदूत नियुक्तिको मापदण्ड सरकारले नै मिच्यो : ज्ञानेन्द्र शाही::Nepal News Portal

राजदूत नियुक्तिको मापदण्ड सरकारले नै मिच्यो : ज्ञानेन्द्र शाही

जन आकाश
सोमबार, असोज ५ २०८३

काठमाडौं । राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाहीले सरकारले राजदूत नियुक्तिका लागि आफैँले बनाएको मापदण्ड उल्लंघन गरेको आरोप लगाएका छन्।

प्रतिनिधिसभाको बैठकमा बोल्दै शाहीले परराष्ट्र मन्त्रालयले तयार पारेको राजदूत नियुक्तिसम्बन्धी मापदण्ड पढेर सुनाउँदै प्रस्तावित राजदूतहरूको पृष्ठभूमि उक्त मापदण्डसँग मेल नखाने दाबी गरे।

उनका अनुसार मापदण्डमा अन्तर्राष्ट्रिय वा विदेशी सहयोगबाट सञ्चालित गैरसरकारी संस्थामा कार्यरत व्यक्ति राजदूतका लागि सिफारिस हुन नहुने तथा विदेशी राज्यद्वारा तलबसहितको पदमा नियुक्त भएको भए उक्त पद छाडेको कम्तीमा १० वर्ष पूरा भएको हुनुपर्ने व्यवस्था छ।

शाहीले अमेरिकाका लागि प्रस्तावित चिरञ्जीव थापा अक्सफामको एसियाली क्षेत्रीय सुरक्षा सल्लाहकारका रूपमा काम गरेको, स्पेनका लागि प्रस्तावित प्राप्ति शेरचन विश्व बैंकअन्तर्गतको अन्तर्राष्ट्रिय वित्त निगम (आईएफसी) मा कार्यरत रहेको तथा जर्मनीका लागि प्रस्तावित शारू जोशीले यूएन वुमनलगायत अन्तर्राष्ट्रिय संस्थामा काम गरेको उल्लेख गरे।

त्यस्तै, ओमानका लागि प्रस्तावित पद्माक्षी राणाको पृष्ठभूमि अन्तर्राष्ट्रिय विकास साझेदार संस्थासँगको सहकार्यमा केन्द्रित रहेको र दक्षिण कोरियाका लागि प्रस्तावित प्रा. डा. संगम श्रेष्ठले एसिया इन्स्टिच्युट अफ टेक्नोलोजी लगायतका अन्तर्राष्ट्रिय शैक्षिक तथा विकास संस्थासँग काम गरेको शाहीले बताए।

‘सरकारले आफैँ मापदण्ड बनाएर आफैँ लागू गर्न किन सकेको छैन?’ शाहीले प्रश्न गरे।

सरकारले आफ्नै मापदण्ड कार्यान्वयन नगर्नुका पछाडि ‘विदेशी दबाब वा अर्बौँको चलखेल’ भएको हुनसक्ने आशंकासमेत शाहीले व्यक्त गरे।

उनले मापदण्डविपरीत राजदूत नियुक्तिका लागि गरिएको सिफारिसबारे सरकारले संसद्मा जवाफ दिनुपर्ने मागसमेत गरेका छन्।

फेसबुक प्रतिक्रिया

लिंकहरु

राजदूत नियुक्तिको मापदण्ड सरकारले नै मिच्यो : ज्ञानेन्द्र शाही

नबिन योगी दैलेखका उदाउँदो युवा नेता जनताका बिचमा लोकप्रिय आउँदो स्थानीय तहको निर्वाचनमा दुल्लु नगरको…

गोकुलगंगा–१ चुचुरेमा ट्र्याक्टर दुर्घटना, एक जनाको मृत्यु

बालकलाकार आरिया शाही चौथो काव्य म्युजिक अवार्ड २०८२ बाट सम्मानित

मोडेल तथा गायिका रमिता भण्डारीको नयाँ म्युजिक भिडियो ‘तिमी निष्ठुरी भयौ’ सार्वजनिक

रामेछाप रास्वपामय बन्दैः डा. कृष्णहरि जनतासँग नेपाली काँगे्रस, एमाले, नेपाल कम्युनिष्ट पार्टी पछिपछि

सायरी गोर्खाबाट रबि,बिक पाखा पखेरा संगको गहिरो सम्बन्ध

डा. नवराज रिजालद्वारा लिखित गीतसङ्ग्रह “देखेकोछु तिमिलाई” सार्वजनिक

जनआकाशका आजिवन सदस्य कवि ढकालको अध्यक्षता कार्यक्रम सम्पन्न

दायित्व वाङ्मय प्रतिष्ठानद्वारा साहित्यकार प्रमोद नेपालको निरुत्तर लघुकथासङ्ग्रह लोकार्पण

रामप्रसाद अधिकारीको, सुसेली

लिंकहरु